Анкара, 25 април 2025 (МИА) - Три земјотреси се регистирани денеска во областа Кутахја во западна Турција, а најсилниот бил со јачина од 4,6 степени според Рихтеровата скала и се случил во реонот на градот Симав во истата област, на длабочина од 12,1 километар, јави турската државна телевизија ТРТ Хабер.

Претходно на истата локација се регистрирани уште два земјотреси - со магнитуда од 4,5 степени и со магнитуда од 3,9 степени според Рихтеровата скала.

Гувернерот на Кутахја, Муса Ешен, за ТРТ изјави дека наставата во училиштата во Симав и околните села е откажана за еден ден. Образовниот процес во градот Пазарлар е исто така прекинат поради сеизмичка активност. рп/

Фото: МИА архива