Скопје, 22 ноември 2022 (МИА) - Министерката за труд и социјална политика Јованка Тренчевска утре и задутре во Истанбул ќе учествува на конференцијата „Трансформативно финансирање како забрзувач за родова еднаквост: црпење на искуства од родово одговорно буџетирање и научени лекции“, организирана од Регионалната канцеларија на UN Women.

Како што информираат од Министерството за труд и социјална политика, министерката ќе се обрати на панел дискусијата насловена „Лидерството и перспективите на креаторите на политиката за родово одговорно буџетирање“, заедно со министри од Албанија, Косово и Босна и Херцеговина.

На панелот, којшто е организиран како министерски панел на високо ниво, ќе бидат презентирани прегледи за родово одговорно буџетирање со фокус на процесите и клучните достигнувања во неговата имплементација, како и следните чекори за понатамошно унапредување на институционализацијата на родово одговорно буџетирање. ар/бак/