Шарм ел Шеик, 14 октомври 2025 (МИА) – Унгарскиот премиер Виктор Орбан е „фантастичен“ лидер, изјави вчера американскиот претседател Доналд Трамп на прес-конференција во египетското одморалиште Шарм ел Шеик.

Во видео објавено на Фејсбук страницата на унгарскиот премиер, Трамп го фали Орбан. 

„Тука ја имаме Унгарија. О, Виктор! Го сакаме Виктор. Ти си фантастичен. Знам дека многу луѓе не се согласуваат со мене, но јас сум единствениот што е битен“, рече Трамп.

На покана на Трамп, Орбан присуствуваше на потпишувањето на договорот за крај на војната во Газа вчера во Египет. Трамп додаде дека го поддржува Орбан на последните избори и „тој победи со 28 процентни поени“.

Trump slams EU leaders indirectly. They hate Viktor Orban because he defends Hungarian culture.

“We have Hungary. Where is Viktor? We love Viktor. You are fantastic. I know a lot of people don't agree with me, but I'm the only one that matters."pic.twitter.com/qMGcFyhCCt

— Wall Street Mav (@WallStreetMav) October 13, 2025

„Затоа ќе се справите уште подобро следниот пат. Сто проценти стоиме зад вас“, му рече тој. 

Орбан му одговори преку соопштение. 

„Ви благодарам, господине претседателе! Продолжуваме по патот на мирот!“, рече тој.сд/

фото:ЕПА