Вашингтон, 21 април 2025 (МИА) – Американскиот претседател Доналд Трамп денеска ќе разговара со израелскиот премиер Бенјамин Нетанјаху за прекин на огнот во Газа, договорот за ослободување на израелските заложници кои ги држи Хамас и нуклеарните преговори со Иран.

Ова го јави порталот Аксиос повикувајќи се на два неименувани извори.

Двајцата лидери се сретнаа во Белата куќа пред две недели.

Третата рунда преговори меѓу Иран и САД за нуклеарната програма на Техеран ќе се одржи в среда во главниот град на Оман, Мускат, со учество на посредници. јт/

Фото: МИА архива