Стефковски: Населеното место Стајковци добива нова спортска сала со средства обезбедени од буџетот на општина Гази Баба

Скопје, 3 март 2023

На почетокот да ја поздравам посетата од страна на претседателот на ВМРО-ДПМНЕ, Христијан Мицкоски на општина гази Баба и да се заблагодарам за поддршката која ни ја дава со цел за забрзана реализација на проектите кои што ни се ветени пред граѓаните.

Денес имаме можност да присуствуваме на два капитални проекти. Во моментот се наоѓаме во Стајковци на свечено отварање на новата спортска сала во основното училиште „Кирил и Методиј“, инвестиција целосно обезбедена од буџетот на општина Гази Баба која чини 20 милиони денари. Искрено сум среќен што после 50 години, населеното место Стајковци и учениците од Стајковци и од околината добиваат спортска сала во која што ќе можат да ги реализираат часовите по физичко и здравствено образование. Салата е опремена со најсоодветна опрема и спортски реквизити и тука учениците ќе можат да партицираат повеќе видови на спорт, мал фудбал, кошарка, одбојка, ракомет, гимнастика и боречки вештини.

Посебна чест е за мене што на моја иницијатива салата ќе го носи името на Бобан Ивановиќ, македонски херој кој животот го загуби бранејќи ја Македонија во акцијата во Диво Насеље. Со оваа одлука споменот за Бобан Ивановиќ ќе биде вечен и никогаш нема да се заборави.

Исто така во текот на денешниот ден свечено пуштивме во употреба и отворен спортски комплекс во чии содржини има фудбалско игралиште со подлога од вештачка трева, ново кошаркарско игралиште и детско катче и жителите од околина од сите возрасти и од сите генерации ќе можат да спортуваат, да се дружат и да се рекреираат.

Општина Гази Баба на почетокот на оваа година започна со голема градежна офанзива, така ќе продолжиме во иднина со цел реализација на сите проекти што се од нашата изборна програма и навистина да им направиме подобри услови за живот на нашите сограѓани во општина Гази Баба.

Мицкоски: Стајковци доби нова спортска сала и покрај опструкциите на власта, ветувањата на градоначалниците на ВМРО-ДПМНЕ се исполнуваат

Не можеме да го скриеме задоволството кога сме дел од вакви настани, каде што можеме да сведочиме на исполнети ветувања, даден збор кој што граѓаните можат да го видат и на дело. Тоа што се ветува, тоа се и реализира.

Денеска покрај спортската сала овде бевме и на посета на спортско игралиште исто така овде во Стајковци. Ново фудбалско, кошаркарско, детско игралиште исто така имаше во тој комплекс. Така што се работи, се реализира ветеното, и тоа веќе го чувствуваат граѓаните насекаде во Македонија каде што ВМРО-ДПМНЕ има свои градоначалници.

Ќе повторам не им е лесно, опструкции на секој чекор, некаде се одземаат ингеренции, се намалуваат дотации, се кратат дотации. Никој од градоначалниците на ВМРО-ДПМНЕ не добил никаква помош за разлика од малкумината кои што се дел од власта од страна на оваа Влада.

Континуирано се под притисок, но сепак со храбро, чесно, транспарентно работење тие можат да испорачаат голем дел би рекол од она кое што беше ветено за време на кампањата на локалните избори во 2021 година.

Јас му честитам на Боби, честитам и на тимот во Општината, на советниците, честитам и на пратениците од овде од Гази Баба за ова што го прават. И сакам само да им посакам и да ги охрабрам дека уште многу треба да направиме за да луѓето бидат задоволни и да видат еден исчекор напред.

Јас сум сигурен дека веќе следната Влада на ВМРО-ДПМНЕ ќе покаже и докаже дека можело поинаку и дека можело да бидеме различни, да не бидеме како овие кои што пет и половина години веќе ја пустошат, ја пљачкаат и ја уназадуваат нашата Македонија.

Бобан Стефковски, градоначалник на општина Гази Баба

Христијан Мицкоски, претседател на ВМРО-ДПМНЕ

—————————————————————————————————————————

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Стефковски: Населеното место Стајковци добива нова спортска сала со средства обезбедени од буџетот на општина Гази Баба

Тагови

Можно е и ова да ти се допаѓа

Кумановци поднеле околу сто барања за надоместок на штета предизвикана од обилните врнежи

Штипскиот Универзитет спремен за уписи на нови студенти

МИА Општински пул

Собранието во наредниот период ќе има клучна улога во борбата против корупција, потребно и интензивирање на соработката со ДЗР и ДКСК

Марија Андоновска нова директорка на Институтот за јавно здравје

Заврши летната школа во штипската Библиотека

Продолжи судењето против Мерко и три други лица за фалсификување исправа и несовесно работење во службата во училиштето во Велешта

Неопходни вработувања во кумановскиот Дом за стари лица

Избор на уредникот

Мицкоски за можна средба со Мицотакис во Вашингтон: Се надевам дека ќе го задржиме достоинството и д...

Стефковски: Населеното место Стајковци добива нова спортска сала со средства обезбедени од буџетот на општина Гази Баба

Тагови

Можно е и ова да ти се допаѓа

Избор на уредникот

Остани поврзан