Средба на претседателот на Собранието Гаши со амбасадорот Јаќимовиќ
- СООПШТЕНИЕ - Двајцата соговорници беа едногласни дека станува збор за две пријателски земји, кои немаат меѓусебни отворени прашања. Народите се слични, со иста култура и обичаи, кои живеат во мултиетнички општества.
![Средба на претседателот на Собранието Гаши со амбасадорот Јаќимовиќ](https://mia.mk/images/20240815122403_big_730x400_87.webp )
15 август 2024
Претседателот на Собранието, Африм Гаши, оствари средба со амбасадорот на Босна и Херцеговина, Драган Јаќимовиќ.
Двајцата соговорници беа едногласни дека станува збор за две пријателски земји, кои немаат меѓусебни отворени прашања. Народите се слични, со иста култура и обичаи, кои живеат во мултиетнички општества.
Она на што треба да биде фокусот во следниот период е уште поголемо зближување на граѓаните, преку олеснето движење, со нови инфраструктурни решенија. Потребно е продлабочување на соработката на полето на туризмот, културата, трговијата.
Во однос на евроинтеграциите, беше искажано мислењето дека целиот Балкан што поскоро треба да стане дел од големото европско семејство, за мир, стабилност, за добробит на сите граѓани.
Присутните оставија отворена врата за соработка, за двонасочни посети, за размена на конкретни идеи и искуства.
СОБРАНИЕ НА РЕПУБЛИКА СЕВЕРНА МАКЕДОНИЈА
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.