Скопје, 16 август 2024 (МИА) - Во пресрет на одбележувањето на Денот на македонската Армијата, денеска министерот за одбрана Владо Мисајловски остварил средба со командантот на Националната гарда на Вермонт, генерал мајот Грегори Најт кој е во посета на нашата земја.

За време на средбата, како што соопшти Министерство за одбрана, се разговарало за досегашното партнерство и соработка помеѓу македонската Армија и Националната гарда на Вермонт која трае повеќе од 30 години и за нејзино интензивирање во иднина.

-Обуките, заедничките вежбовни активности, размената на питомци меѓу двете академии се показател за одличната соработка, која е значајна за натамошен развој на припадниците на Армијата и на Националната гарда на Вермонт кои покрај тоа што разменуваат искуства и стекнуваат нови знаења, градат силни врски, се наведува во соопштението.

Во рамки на денешната посета, министерот Мисајловски и генералот Најт го посетиле Сајбер оперативен центар и Сајбер тренинг платформата во рамки на Армијата чија цел е да обезбеди соодветна сајбер одбрана. дма/нд/

Фото: Министерство за одбрана