Белград, 23 мај 2025 (МИА) - Силно невреме проследено со поројни врнежи од дожд и наместа град, го погоди попладнево Белград. Поплавени се голем број улици во градот како и автопат.
На Авала паѓаше град со големина на лешник
Сообраќајот низ центарот на градот е исклучително отежнат - голем број автомобили и автобуси на градскиот превоз се заглавени, блокирани се возила на Итната медицинска помош како и на полицијата.
Големи колони возила се на правец кон Нов Белград како и преку Бранков мост кон центарот на градот. 

Невремето погоди неколку места во околината на Белград.

Републичкиот хидрометеоролошки завод (РХМЗ) на Србија околу 15 часот издаде вонредно предупредување дека е пуштен во употреба системот за испраќање итни СМС информации до граѓаните, за невреме со дожд, град и силен ветер. РХМЗ на Србија соопшти дека невремето се движи кон јужниот-југоисточниот дел од државата. зш/ 
фото МИА/Инстаграм/