Силвестри: Италија ги поддржува Северна Македонија и Албанија за влез во ЕУ
- Италија ја поддржува Македонија за влез во Европската унија. Тоа е нашиот став и ги поддржуваме и Македонија и Албанија во Европската унија. Нема друга алтернатива, порача Амбасадорот на Итал
![Силвестри: Италија ги поддржува Северна Македонија и Албанија за влез во ЕУ](https://mia.mk/images/20221113133302_big_730x400_10.webp )
Штип, 13 мај 2022 (МИА) - Италија ја поддржува Македонија за влез во Европската унија. Тоа е нашиот став и ги поддржуваме и Македонија и Албанија во Европската унија. Нема друга алтернатива, порача Амбасадорот на Италија во Република Северна Македонија, Андреа Силвестри при посетата на Универзитетот „Гоце Делчев“ и на Општина Штип.
Амбасадорот Силвестри денеска оставри средба со ректорот на УГД-Штип, Блажо Боев и деканката на Филолошкиот факултет, Драгана Коцева-Кузмановска. На средбата се разговораше за соработка и воведување италијански јазик во основните и средни училишта.
Кузмановска истакна дека на Катедрата за италијански јазик има 30 студенти, а годинава ќе имаат и дополнителна мотивација за студенти кои ќе се запишат, односно Универзитетот доделува десет стипендии за најдобрите бруцоши.
-Амбасадорот е овде да ја поттикне идејата за воведување на италијанскиот јазик во нашите основни и средни училишта, како изборен предмет и со тоа ќе даде придонесе за обучување на напи идни студенти, односно на тој начин ќе го промовира италијанскиот јазик и со негово изучување ќе придонесе да се стекнеме со нови потенцијални кандидати на Катедрата за италијански јазик и книжевност, вели Кузмановска.
Градоначалникот на Општина Штип, Иван Јорданов истакна дека како општина ја прифаќаат идејата од страна на амбасадорот на Италија. вдј/цр
![SHtip](/articles/images/%d1%81%d0%b8%d0%bb%d0%b2%d0%b5%d1%81%d1%82%d1%80%d0%b8-%d0%b8%d1%82%d0/v9MfPIS7u/placeholder.webp?use_watermark=0)
![Италијански амбасадор](/articles/images/%d1%81%d0%b8%d0%bb%d0%b2%d0%b5%d1%81%d1%82%d1%80%d0%b8-%d0%b8%d1%82%d0/A9sC4vILL/placeholder.webp?use_watermark=0)