Седници на две собраниски комисии
- Во Собранието денеска седници ќе одржат комисиите за политички систем и односи меѓу заедниците и за одбрана и безбедност.
![Седници на две собраниски комисии](https://mia.mk/images/20221112045322_big_730x400_4.webp )
Скопје, 11 февруари 2022 (МИА) – Во Собранието денеска седници ќе одржат комисиите за политички систем и односи меѓу заедниците и за одбрана и безбедност.
На дневниот ред на Комисијата за политички систем и односи меѓу заедниците се Годишниот извештај за работата на јавните обвинителства за 2020 година и Извештајот за реализација на Судскиот буџет за 2020 година.
Членовите на Комисијата за одбрана и безбедност ќе расправаат за предлог законите за изменување и дополнување на Законот за внатрешни работи и на Законот за полиција, двата во второ читање.вј/мд/