16 декември 2024

Градоначалникот на Општина Илинден, Александар Георгиевски ја одржа редовна седница на Локалниот Совет за превенција со претставници од надлежни институции, а во рамки на подобрување на јавната безбедност на територија на општина Илинден.

На оваа седница претставниците од МВР кои истовремено се и членови на Локалниот совет за превенција, го презентираа извештајот со статистички податоци во однос на безбедноста во општина Илинден во текот на 2024 година. Од страна на градоначалникот и претставници од Општина Илинден беа презентирани превземените активности од Општината за подобрување на безбедноста во сите населени места.

Во рамки на седницата беа усвоени препораки и заклучоци за превземање итни мерки за превентивно делување за зголемување на јавната безбедност. Исто така, од страна на сите присутни беше констатирано дека само со организиран пристап, меѓусебна соработка постојано и превентивно делување на терен, се овозможуваат безбедни услови за живот за сите граѓани на општина Илинден.

Целта на Локалниот совет за превенција е утврдување на заеднички препораки за подобрување на јавната безбедност на подрачјето на Општина Илинден, како градење на доверба и партнерски однос и превенција на појавите што негативно влијаат на јавната безбедност.

Општина Илинден

_____________________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.