Северна Кореја ги смени правилата за именување заменик-лидер на Ким Џонг-ун
Сеул, 1 јуни 2021 (МИА) - Владејачката партија на Северна Кореја ги смени своите правила за именување заменик-лидер на Ким Џонг-ун, кој сака да ја обнови внатрешната политика, јави денеска јужнокорејската новинска агенција Јохнап.
Агенцијата цитира неименуван извор од Северна Кореја кој вели дека во иднина „првиот секретар“ ќе раководи со состаноците во име на Ким Џонг-ун.
Ким ја утврди својата позиција на конгресот на Работничката партија на Кореја во јануари, кога беше избран за генерален секретар и ја презеде титулата што ја имаше неговиот покоен татко.
Сега Ким Џонг-ун сака владата да има поголема улога, во споредба со военото правило на неговиот татко, додава Јохнап.
Минатата година, јужнокорејски пратеник рече дека разузнавачката служба во Сеул навела дека веруваат дека сестрата на Ким, Ким Јо-џонг, е прва заменичка на лидерот на Северна Кореја. паг/
