Мадрид, 4 февруари 2023 (МИА) - Реал Мадрид сака да го задржи играчот од средниот ред Дани Себалос.

Според „Ел Дебате“ мадридскиот клуб наскоро ќе му понуди на 26-годишниот Шпанец договор на четири години со зголемување на платата.

Самиот играч очекува да остане во тимот и најверојатно ќе се согласи да го потпише договорот.

Во сезоната 2022/23, Себалос постигна еден гол и четири асистенции на 20 натпревари за Реал Мадрид. Актуелниот договор на играчот е со важност до крајот на јуни 2023 година. зс/