СДСМ: ВМРО-ДПМНЕ работи на штета на земјоделството
Скопје, 29 август 2021
ВМРО-ДПМНЕ партијата која 11 години како власт ги манипулираше и лажеше земјоделците, денес тоа го прави и како опозиција, работејќи на штета на земјоделството како една од клучните стопански гранки.
Вистината е друга од она што денеска го тврди Цветан Трипуновски. А токму таа вистина е болна за ВМРО-ДПМНЕ.
Факт е дека Владата предводена од СДСМ исплати субвенции што ВМРО-ДПМНЕ ги должеле од 2011 година. Рекордни трансфери на субвенции има за 2019 и 2020 година.
Вкупно се исплатени над 15 милиарди денари. Како никогаш досега субвенциите се плаќаат за една календарска година и тоа кога им се најпотребни на земјоделците. Без разлика на последиците од Ковид пандемијата дополнителни средства беа обезбедени за лозарите и тутунарите.
Само минатиот месец се исплатени над 3 милјарди денари за субвенции, нешто што беше незамисливо во време на ВМРО-ДПМНЕ.
ВМРО-ДПМНЕ може да учи што значи вистинска грижа за земјоделците, нешто што СДСМ во континуитет го покажува во овие четири години.
Центар за комуникации на СДСМ
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
