Санкционирани 12 прекршоци од возила кои вршат јавен превоз на подрачје на СВР Тетово
Скопје, 5 септември 2022 (МИА) - На поширокото тетовско-гостиварско подрачје, полициски службеници на СВР Тетово денеска од 9 до 14 часот спровеле засилена контрола на возила кои вршат јавен превоз на патници, а во која вкупно биле откриени и санкционирани 12 прекршоци, од кои два за возила со тетовски регистерски таблици и 10 со гостиварски.
Како што информира МВР, осум од возилата имале неисправни сопирачки, претежно комбиња и такси возила, две возила биле со неисправен уред за управување, едно со неисправни други уреди, а едно со неизвршен технички преглед.
При контролата, исто така, санкционирани се и 14 други видови сообраќајни прекршоци. СВР Тетово најавува дека и во наредниот ќе продолжи со контроли на возилата од локалниот јавен превоз посебно, затоа што, како што посочуваат оттаму, со започнување на новата учебна година тие далеку повеќе и почесто се користат од учениците, но и од други патници. сст/дма/
