Ливерпул, 20 август 2024 (МИА) - Мохамед Салах најверојатно ќе се раздели со Ливерпул на крајот на сезоната, објави денеска „Ливерпул ехо“.

Изданието забележува дека 32-годишниот напаѓач следното лето ќе го напушти англискиот тим како слободен играч.

Можно е 19-кратниот шампион на Англија да се обиде да го ангажира Ентони Гордон од Њукасл.

Во 350 натпревари за „црвените“, египетскиот репрезентативец постигна 212 гола и направи 88 асистенции од неговиот трансфер од Рома во летото 2017 година.

Мохамед Салах е поранешен играч на Челси, Базел и Фиорентина. дс

Фото: Архива