Вашингтон, 20 октомври 2023 (МИА) -  Американската и европски влади вршат притисок врз Израел да ја одложи својата копнена инвазија врз Газа за да има време за тајните разговори што се водат за да се ослободат заложниците што ги држи Хамас, се вели во извештај.

Преговорите со Хамас со посредство на Катар се деликатни и може да пропаднат, објави Блумберг, цитирајќи луѓе запознати со напорите.

Изворите изјавија за медиумот дека постојат знаци дека Хамас би можел да се согласи да ослободи барем дел од своите цивилни заложници без да бара Израел да ослободи затвореници за возврат. зш/
фото ЕПА