Руски ракетни напади врз Киев и Лавов; соборени дронови во Белгород
- Украинските вооружени сили известија за руски ракетни напади врз Киев и напади со дронови врз западниот град Лавов, изведени во текот на ноќта. Очевидци велат дека чуле неколку експлозии во предградијата на украинскиот главен град.
![Руски ракетни напади врз Киев и Лавов; соборени дронови во Белгород](https://mia.mk/images/20240904071420_big_730x400_29.webp )
Киев, 4 септември 2024 (МИА) - Украинските вооружени сили известија за руски ракетни напади врз Киев и напади со дронови врз западниот град Лавов, изведени во текот на ноќта.
Очевидци велат дека чуле неколку експлозии во предградијата на украинскиот главен град.
Во речиси целата земја е објавена воздушна тревога.
Во меѓувреме, гувернерот на руската Белгородска област, Вјачеслав Гладков, извести дека биле соборени неколку „воздушни цели“ во овој граничен регион, пренесува ТАСС.
Нема извештаи за жртви и сериозни штети, додаде Гладков на Телеграм.ссм/
фото: архива/илустрација