Белград, 18 февруари 2025 (МИА) – Родителите на учениците во основни училишта во Нови Сад утрово спроведоа акција за поддршка на наставниците во прекинот на наставата.

На оградите и на влезовите на училиштата оставија пораки „Нема правда – нема училиште“, „Без ’рбет – нема училиште“, „Без безбедност – нема училиште“, „Без совест – нема училиште“, „Без емпатија – нема училиште“.

Една од пораките е „Нема Предраг – нема училиште“, а се однесува на наставник во ОУ „Милош Црњански“ кому не му бил продолжен договорот поради поддршка на студентите.

Акцијата е координирана од Форумот на родители на основните училишта во Нови Сад, кои ги поддржуваат наставниците во прекинот на наставата. ми/

фото: Икс