Ред Бул чкртачки настан со Бреинстер и Бреинстер Некст колеџ
- Едукативно-технолошката организација Бреинстер, Бреинстер Некст колеџот и Ред Бул во сабота, 18 март, ќе организираат настан по чкртање во живо, кој е дел од глобалниот натпревар „Red Bull Doodle Art“. Како што соопштија од „Бреинстер“, за најдобрите следуваат награди, како патување во Амстердам на финалниот натпревар и ваучери за учење дизајн.
![Ред Бул чкртачки настан со Бреинстер и Бреинстер Некст колеџ](https://mia.mk/images/20230314102334_big_730x400_26.webp )
Скопје, 14 март 2023 (МИА) - Едукативно-технолошката организација Бреинстер, Бреинстер Некст колеџот и Ред Бул во сабота, 18 март, ќе организираат настан по чкртање во живо, кој е дел од глобалниот натпревар „Red Bull Doodle Art“. Како што соопштија од „Бреинстер“, за најдобрите следуваат награди, како патување во Амстердам на финалниот натпревар и ваучери за учење дизајн.
Настанот, кој е дел од соработката меѓу Бреинстер и Ред Бул ќе се одржи во просториите на оваа едукативно-технолошката организација. Натпреварот, всушност во земјава се враќа по пауза од шест години, а натпреварувачите, покрај можноста да цртаат на ваквите креативни настани, своите креации може да ги пријавуваат и онлајн. „Red Bull Doodle Art“ е глобален натпревар во цртање/креирање на чкртаници кој се одржува во 60 држави, а од секоја се избира по еден национален уметник-претставник што ќе учествува на глобалното финале кое ќе се случи во мај оваа година во Амстердам, Холандија.
-Ова е одлична можност за креативците бидејќи е глобален натпревар кој ја прикажува неверојатната креативност и талент на младите уметници од целиот свет. „Red Bull Doodle Art“ не е само платформа за новите уметници преку која тие ги покажуваат своите вештини, туку настанот ја слави и моќта на чкртањето (doodle) како форма на самоизразување. Ние во Бреинстер го цениме дигиталното креативно изразување, а со подемот на дигиталната уметност и технологија, веруваме дека и оваа безвременска форма на уметност заслужува признание и треба да се поддржи. Заедно со Ред Бул се надеваме дека ќе ја инспирираме следната генерација уметници да ја продолжат својата страст и да го покажат својот талент на глобалната сцена. Едукацијата и поддршката на најталентираните е дел од нашата мисија и затоа и ги отвораме вратите од нашите простории за овој значаен настан, изјави Јана Тодоровска од Partnerships тимот на Бреинстер.
![Јана Тодоровска од Partnerships тимот на Бреинстер](/articles/images/редбулшкртачкинастансобреинстерибреинстернекстколеџ1zUjx/rqtPDPzJO/placeholder.webp?use_watermark=0)
Најдобрите од „Red Bull Doodle Art“ натпреварот ќе добијат ваучери за Бреинстер aкадемиите за графички дизајн или UX/UI дизајн или пак попуст за школарината на Бреинстер Некст колеџот ако се запишат на додипломски студии на студиската програма по UX/UI и графички дизајн.
Исто така, победникот ќе добие можност за патување во Амстердам, каде ќе работи со артист-ментор на подобрување на своето дело и негова трансформација во ексклузивно НФТ уметничко дело. Победничкиот дизајн во соработка со тимот на SWithADot ќе биде ставен и на дизајн на патики кои ќе бидат пуштени во комерцијална продажба. Пријавувањето за напреварот е достапно на линкот https://win.gs/3YfbQYb, а може да се изврши и при доаѓањето во просториите на Бреинстер на 18 март.бт/са/