Скопје, 17 декември 2024 (МИА) - Министерството за внатрешни работи соопшти дека е расчистено убиство во обид од 10-ти овој месец и против две лица е поднесена кривична пријава од Единицата за насилен криминал – одделение за крвни и сексуални деликти при СВР Скопје.

Кривична пријава по брза постапка е поднесена против М.Е. од Скопје осомничен за кривично дело „убиство“ во обид и против Б.Р. од Скопје осомничен за кривично дело  „помагање на сторител по извршено кривично дело”.

МВР информира дека поради нерасчистени должничко-доверителски односи, на 10 декември 2024 пријавените отишле пред куќата на Д.Ј.(42) од скопското село Мирковци при што М.Е. од пиштол пукал кон него, но не го повредил.

- Судија на претходна постапка на М.Е. му определил мерка притвор во траење од 30 дена, соопшти Министерството за внатрешни работи. хс/бак/

Фото: МИА архива