Лондон, 29 март 2022 (МИА) - Англиските судии може да почнат да одржуваат заеднички тренинзи со клубовите и играчите. Оваа идеја на состанокот на тренерите со шефот на англиските судии, Мајкл Рајли, ја предложи тренерот на Манчестер јунајтед, Ралф Рангник. Според него, тоа ќе им овозможи на играчите подобро да ги запознаат судиите. Останатите тренери го поддржаа предлогот на германскиот фудбалски стручњак. Судиската организација наскоро ќе го разгледа овој предлог. Можно е да биде одобрен до стартот на следната сезона. зс/