Кавадарци, 4 јануари 2026 (МИА) -  Во буџетот за 2026 година на Општина Кавадарци, има финансиски средства од милион и пол денари, од кои милион и двеста илјади денари за Општата болница Кавадарци за сервис на најмногу употребуван апарат, сто илјади денари за организирање симпозиуми по барање на приватни стоматолози, а околу 200 илјади, за првпат, за здружение за дијабетичари, формирано со цел превенција од дијабет.

За ова информира претседателот на кавадаречкиот општински Совет, доктор Стојанче Рамов. 

- Овие финансиски средства се и тоа како важни за здравствената заштита на нашата територија, опфатени се и примарната и секундарната здравствена заштита, подвлекува тој. 

Регионалната Општа болница со проширена дејност Кавадарци, покрива четири општини, се грижи за пациентите од кавадаречка, неготинска, росоманска и демиркаписка територија. Но, по потреба, како што велат од болницата, здравствено згрижуваат и пациенти од други региони. свд/вг/

Фото: МИА Архива