Софија, 8 август 2023 - Управата за воздушен сообраќај објави рекорден број на сервисирани летови во воздушниот простор на Бугарија.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор. 

Државното претпријатие „Управување со воздушен сообраќај“ (ДП РВД - БУЛАТСА) постави рекорд за сервисирани летови во воздушниот простор на Бугарија, објави компанијата на својата веб-страница.

На 6 август, бугарските контролори на летање обезбедија услуги за воздушна навигација на 3.715 авиони, од кои 3.451 летаа, што е за 18 отсто повеќе од истиот период во 2019 година. Ова го рангира РВД на осмото место во Европа во однос на оптоварувањето на воздушниот сообраќај.

Поставен е рекорд и за јули со ракувани 110.947 авиони, што е зголемување од 10,98 отсто во споредба со 2022 година, кога бројот изнесувал 99.972 летови. Бројот на меѓународни летови што слетале и одлетале за месецот во и од Бугарија изнесува 10.425. Во однос на истиот месец лани е забележан пораст од 799 летови или 8,30 отсто.

РВД исто така опслужува повеќе домашни летови. Во изминатиот месец тие беа 3.570, што е за 5 отсто повеќе од јули 2022 година. Најголем пораст е забележан во сервисираните прелети на авиони - 96.952, во споредба со 86.972 за 2022 година.

БТА потсетува дека во април, БУЛАТСА започна со обука на контролори на летање на АРМАТС - давател на услуги за воздушна навигација во Ерменија. Тие поминаа еднонеделен курс со содржини базирани на стандардите и препорачаните практики на Меѓународната организација за цивилно воздухопловство - ICAO, како и теми според регулативата на Европската унија.

_________________________________________________________________________

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА