Москва, 2 септември 2024 (МИА) – Руската служба за вонредни состојби денеска соопшти дека се извлечени 22 тела од хеликоптерот што на 31 август се урна на Камчатка.

Хеликоптерот Ми-8 со 19 патници и тројца членови на екипажот полетал од базата во близина на вулканот Вачкажец, а спасувачите ги лоцирале остатоците следниот ден. Се претпоставува дека несреќата се случила поради лошите временски услови, односно слабата видливост.

Поведена е истрага за можна грешка на пилотот или технички дефект. ми/

фото: МИА архива