Неготино, 6 септември 2025 (МИА) - Жител на неготинско Криволак бил лишен од слобода рано изутрина, по пријава дека нападнал малолетник, информираа попладнево од Секторот за внатрешни работи - Велес.

- Денеска во 3:30 часот, полициски службеници од ОВР - Неготино го лишиле од слобода С.А., на возраст од 25 години од село Криволак, неготинско, постапувајќи по пријава од С.Ј., на 52-годишна возраст од село Криволак, дека во близина на училиштето во селото, неговиот малолетен син бил физички нападнат од С.А., појаснија од СВР - Велес.

Тој бил приведен во полициска станица и по документирање на настанот, како што беше посочено, против него ќе биде поднесена соодветна пријава. свд/бд/

Фото: МИА архива