Претставници на РСБСП и МВР на Форумот „Визија 0 загинати деца во сообраќајот“ во Златибор, Србија
Скопје, 17 октомври 2022 (МИА) - Претседателот на Републичкиот совет за безбедност на сообраќајот на патиштата Гордана Кожуваровска и портпаролот на МВР Тони Ангеловски, учествуваа на Форумот за унапредување на системот за безбедност на сообраќајот 2022 под мотото „Визија нула загинати деца во сообраќајот“, што се одржа во Златибор, во организација на Агенцијата за безбедност на сообраќајот и Министерството за внатрешни работи на Република Србија.
Форумот се организирал со цел подигнување на капацитетите на советите за координација на работите во врска со безбедноста на сообраќајот и придонес за намалување на жртвите во сообраќајни незгоди.
Покрај интерактивните работилници и панел дискусиите, соопштија денеска од РСБСП, биле разменети искуства и примери од добри практики од областа на безбедноста во сообраќајот.
Кожуваровска во обраќањето истакнала дека неповолната статистика за безбедноста на патниот сообраќај дополнително нѐ предизвикува и нѐ обврзува сите, и како поединци и како институции, да дадеме свој придонес во процесот на подобрување на безбедноста на сообраќајот на патиштата.
РСБСП редовно реализира едукативно-превентивни кампањи за децата, има и веб страница наменета за таа цел, редовно издава и литература за сообраќајна едукација на децата, а во мај оваа година изготви и Декларација за поголема безбедност на децата во сообраќајот, која ја потпиша заедно со пет министерства од РСМ.
Во таа насока, стои во соопштението, РСБСП ќе го даде и својот придонес во периодот 2022 до 2030 година бројот на деца-жртви во сообраќајни незгоди да биде нула.
- Сообраќајот не познава граници, жртвите во сообраќајот не познаваат националност и тоа е главниот мотив и причина за силна соработка помеѓу РСБСП и Агенцијата за безбедност на сообраќајот на Република Србија, како и со Агенциите од другите земји од регионот. Во 2021 и 2022 година, РСБСП во соработка со Агенцијата за безбедност на сообраќајот на Република Србија и Министерствата за внатрешни работи на двете држави, реализираше летна кампања со опфат на возачите од двете држави, но и на странските возачи кои транзитно поминуваат долж коридорот 10. Дека заедничките заложби вродуваат со плод потврдува и податокот дека според статистиката во 2021 година немаше ниту една жртва од сообраќајна незгода кај српските патници кои транзитно поминуваа по коридорот 10., се наведува во соопштението од РСБСП.
Кожуваровска нагласила дека се подготвени за продлабочување на меѓусебната соработка, со цел подигнување на јавната свест за сообраќајот кај сите учесници во сообраќајот на патиштата, а особено на децата како најранлива категорија учесници во сообраќајот.
На Форумот присуствувале претставници на Агенцијата за безбедност на сообраќајот и повеќе министерства од Република Србија (Министерството за внатрешни работи, Министерството за образование, наука и технолошки развој, Министерството за градежништво, сообраќај и инфраструктура, Министерството за финансии и др.), претставници од локалните самоуправи на Р. Србија, како и гости од РСМ и Република Српска. цр/лв/
Покрај интерактивните работилници и панел дискусиите, соопштија денеска од РСБСП, биле разменети искуства и примери од добри практики од областа на безбедноста во сообраќајот.
Кожуваровска во обраќањето истакнала дека неповолната статистика за безбедноста на патниот сообраќај дополнително нѐ предизвикува и нѐ обврзува сите, и како поединци и како институции, да дадеме свој придонес во процесот на подобрување на безбедноста на сообраќајот на патиштата.
РСБСП редовно реализира едукативно-превентивни кампањи за децата, има и веб страница наменета за таа цел, редовно издава и литература за сообраќајна едукација на децата, а во мај оваа година изготви и Декларација за поголема безбедност на децата во сообраќајот, која ја потпиша заедно со пет министерства од РСМ.
Во таа насока, стои во соопштението, РСБСП ќе го даде и својот придонес во периодот 2022 до 2030 година бројот на деца-жртви во сообраќајни незгоди да биде нула.
- Сообраќајот не познава граници, жртвите во сообраќајот не познаваат националност и тоа е главниот мотив и причина за силна соработка помеѓу РСБСП и Агенцијата за безбедност на сообраќајот на Република Србија, како и со Агенциите од другите земји од регионот. Во 2021 и 2022 година, РСБСП во соработка со Агенцијата за безбедност на сообраќајот на Република Србија и Министерствата за внатрешни работи на двете држави, реализираше летна кампања со опфат на возачите од двете држави, но и на странските возачи кои транзитно поминуваат долж коридорот 10. Дека заедничките заложби вродуваат со плод потврдува и податокот дека според статистиката во 2021 година немаше ниту една жртва од сообраќајна незгода кај српските патници кои транзитно поминуваа по коридорот 10., се наведува во соопштението од РСБСП.
Кожуваровска нагласила дека се подготвени за продлабочување на меѓусебната соработка, со цел подигнување на јавната свест за сообраќајот кај сите учесници во сообраќајот на патиштата, а особено на децата како најранлива категорија учесници во сообраќајот.
На Форумот присуствувале претставници на Агенцијата за безбедност на сообраќајот и повеќе министерства од Република Србија (Министерството за внатрешни работи, Министерството за образование, наука и технолошки развој, Министерството за градежништво, сообраќај и инфраструктура, Министерството за финансии и др.), претставници од локалните самоуправи на Р. Србија, како и гости од РСМ и Република Српска. цр/лв/ 
