Бразилија, 6 септември 2023 (МИА) - Бразилскиот претседател Луис Инасио Лула да Силва денеска официјално призна две автохтони територии, давајќи им правна заштита од инвазии на илегални дрвосечачи, рудари за злато и сточари.

Објавата дојде на денот кога Бразил го слави својот регион Амазон, дом на најголемата тропска прашума во светот, чие зачувување се смета за клучно за апсорпција на емисиите на јаглерод одговорни за глобалното затоплување.

Екологистите велат дека домородните групи се најдобри чувари на прашумите, а податоците за уништувањето на шумите покажуваат дека шумите во нивните резервати се најзачувани. ссм/

фото: ЕПА