Куманово, 7 декември 2023 (МИА) - Почна пробивање на пат од кумановското село Зубовце кон месноста „Самовилска вода“ во кумановско, соопштија денеска надлежните.

- Општина Куманово во соработка со месното население во моментов врши пробивање и тампонирање на месниот пат за локалитетот „Самовилска Вода“ и село Зубовце, информираше кумановскиот градоначалник, Максим Димитриевски.

Од секторот за комунални дејности од општина Куманово информираа дека станува збор за пат во должина од пет километри

- Патот првин ќе се пробива, а подоцна и ќе се тампонира, изјави помошник раководител на секторот, Момчило Јовановски.

Оваа година ова е прво пробивање на пат во рурална средина, која следува откако жителите на ова село во неколку наврати бараа да се среди патот.

Лани општина Куманово делумно ги пробиваше и тампонираше патишта од манастирот Свети Ѓорѓи до село Бељаковце, до селото Довезенце како и на новата улица во населбата Карпош каде претходно беше извршена експропријација и се реши деценискиот проблем на жителите од приградската населба. ам/

Фото: Општина Куманово