Поенти: ЕУ го одобри четвртиот пакет санкции против Русија
![Поенти: ЕУ го одобри четвртиот пакет санкции против Русија](https://mia.mk/images/20221112145650_big_730x400_58.webp )
Киев, 15 март 2022 (МИА) –
* ЕУ го одобри четвртиот пакет санкции против Русија
* Министрите за одбрана на земјите-членки на НАТО ќе се сретнат в среда во Брисел на вонреден состанок на кој ќе разговараат за руската инвазија на Украина.
* Европската унија одлучи да ги прошири санкциите за повеќе руски олигарси, вклучително и милијардерот Роман Абрамович како одмазда за руската инвазија на Украина.
* Четвртата рунда преговори меѓу Русија и Украина е прекината за денеска и ќе продолжи утре, изјави еден од украинските преговарачи Михаил Подољак.
* Украинскиот претседател Володомир Зеленски ќе има обраќање во американскиот Конгрес в среда, на16 март.
*Оштетен далноводот во Чернобил, набргу откако беше обновено снабдувањето со струја во „пензионираната“ украинска нуклеарна централа.
*Светската здравствена организација (СЗО) изрази загриженост дека војната во Украина би можела да ја влоши пандемијата со коронавирусот.
*Во Норвешка започнуваат големи воени маневри на НАТО
*Влегувањето на НАТО во конфликтот во Украина може да предизвика Трета светска војна, предупреди денеска претседателот на Европскиот совет, Шарл Мишел.
*Преговорите меѓу Русија и Украина продолжуваат денеска, преку видео конференциска врска.
*Утринава гранатиран станбен блок во Киев, најмалку две лица загинаа, а три се повредени
*Гранатирана административната зграда и фабриката „Антонов“, спопред локалните власти во нападот има две жртви.
*Американските извештаи тврдат дека Русија побарала воена помош од Кина. Наводно им недостигаат некои видови оружје. Кина ги демантира ваквите барања.
*САД и се заканија на Кина доколку и помогне на Русија за време на инвазијата „последиците ќе бидат тешки“.
*Американски снимател и новинар е убиен во близина на Киев, се наведува дека Русите отвориле оган врз автомобилот во кој се наоѓал.
*Украина тврди дека руските сили киднапирале уште еден градоначалник
*Во Лавов се слушнаа експлозии, цел на Русите бил центар за воена обука и база западно од градот, а загинаа 20 лица.
*Ракетиран е и градот Ивано-Франковск
*Во Киев е соборен дрон со три килограми експлозив
*Новите сателитски снимки покажуваат катастрофални штети во Мариупол
*Украина: Руските сили отворија оган врз конвојот за евакуација во близина на Киев, убивајќи седум цивили