Багдад, 6 јуни 2024 (МИА) - Премиерот на палестинската управа Мохамед Мустафа изјави во Багдад дека палестинската управа е подготвена повторно да воспостави „обединето“ палестинско раководство по војната во Газа.

„Ние сме подготвени, како Палестинци, да ги преземеме нашите одговорности од денот по завршувањето на војната во Газа за да помогнеме... да се врати единството на палестинскиот народ и раководството“, рече Мустафа за време на прес-конференцијата со ирачкиот министер за надворешни работи Фуад Хусеин.

„Ние, исто така, треба да бидеме добро подготвени за создавање палестинска држава и одговорностите што тоа ги повлекува“, додаде тој.

Палестинското раководство во голема мера се подели кога Хамас ја презеде контролата врз Газа во 2007 година, соборувајќи ги сите функционери од Фатах, партијата која владее на Западниот Брег. зш/