Скопје, 29 септември 2023 (МИА) - Во Галеријата „КО-РА“- (салон сутерен) во Дом на култура „Кочо Рацин“ -Скопје вечер ќе биде отворена изложбата насловена „Пејзаж на тишината“ од авторот Маја Николовска, во рамки на кандидатурата на Скопје за престижната титула Европска престолнина на културата 2028 година.

Проектот е поддржан  од  Град Скопје и од Дом на култура „Кочо Рацин “ - Скопје во рамки на годишната програма од областа на визуелните уметности и претставува збогатување на културната понуда за граѓаните и за сите посетители.

Авторката ќе се претстави со шеесеттина дела. Изложбата е од мултимедијален карактер, содржи комбинирани техники, слики во акрилна техника, графики, дизајнерски накит, изработки на сликарски моден дизајн, минијатурни пејзажи на камен, како и етно и еко-торби со изразен сликарски печат на авторката Маја Николовска. Делата претставуваат спој на реалното и апстрактното. Во овој мултимедијален проект, дел од делата ќе бидат претставени и на видео проекција.

Ова е нејзина седма самостојна изложба. Како визуелен уметник, добитник е на многубројни награди позначајни од нив се: Прва награда за најдобро дело на изложба во 2012 -,,Жената симбол и инспирација” во Галерија ,,Ко-Ра” при Ј.У. Домот на културата -,, Кочо Рацин” - Скопје. Прва награда на Фестивал во 2004 година. Има учествувано на околу 70 тина групни изложби и колонии во земјава и во странство. цр/лв/

Фото: Виолета Калиќ, стручен соработник за визуелни уметности, дизајн и архитектура