Њу Делхи, 27 декември 2024 (МИА) - Осум лица загинаа, а 26 се повредени денеска во сообраќајна несреќа во Пенџаб, Индија, кога приватен автобус падна од мост во одводен канал, јавија индиските медиуми.

Несреќата се случила кога автобус кој превезувал патници паднал од мост во близина на селото Џиван Синг Вала во областа Батинда во Пенџаб, објави Тајмс оф Индија.

 Заменик-комесарот во Батинди, Шокат Ахмад Параџ, потврди дека меѓу загинатите има и двегодишно девојче. паг/

Фото: МИА архива