Монровија, 10 септември 2024 (МИА) – Вкупно 47 затвореници овој викенд избегаа од затвор со максимална безбедност во близина на Монровија, главниот град на Либерија, соопштија денеска либериските власти.

Министерството најави правда информира дека затворениците го пробиле безбедносниот систем на затворот кој се наоѓа во Каката, 55 километри североисточно од Монровија.

Министерството изрази „длабока загриженост за овој инцидент“ и соопшти дека ги презема сите неопходни мерки за повторно фаќање на избеганите затвореници.

По бегалците е испратена полиција, а ангажирани се и дополнителни сили.

Затворите во Либерија се сериозно преполнети, а затворениците немаат доволно храна и немаат основна здравствена заштита.

Минатата година, затворот во Монровија остана без храна. Други два накратко престанаа да примаат нови затвореници поради недостиг на храна.

Многу затвореници се зад решетки без судска пресуда.

Според податоците на Обединетите нации од 2022 година, 73 отсто од затворениците во Либерија се во притвор, што значи дека чекаат судење. јт/