13 февруари 2020 (МИА) ОД КАЛЕНДАРОТ НА МПЦ Според календарот на МПЦ (Јулијанскиот календар) денеска е 31 јануари. Денеска е Св. бесребреници Кир и Јован. Во Црквата бесребреници се нарекуваат лекарите на душите и телата, кои лечеле повеќе со силата на Светиот Дух отколку со помош на лекарската рецептура, и директно ги следеле Христовите зборови: бесплатно добивте, бесплатно давајте. Меѓу нив е и александрискиот христијански лекар и чудотворец Кир, заедно со неговиот подоцнежен соработник, војникот Јован. Со своето делување Кир моногумина обратил кон верата во Христос, со што ја заработил омразата на римските власти. Свети Кир и Јован пострадале за Христа за време на Диоклецијановите прогони. ОД КАТОЛИЧКИОТ КАЛЕНДАР Денеска е Благословен Павао Лоц. Во минатиот век започнале интензивните мисионерства во Индокина. Павао имал значајна улога во мисионерствата и за верувањето во Христос маченички загинал. Со цел да се одрекне од христијанската вера, неверниците му понудиле угледно место во нивната држава. Павао бил христијанин, свештеник, мисионер и не ја прифатил понудата. Единственото решение за него било верувањето, па ако е потребно и жртвување на животот. Поради тој став и големото верување во Христос, во 1859 година му била отсечена главата. ###