Скопје, 8 мај 2025 (МИА) – Во рамки на Грасрут проектот и поддршката која Фудбалската федерација на Македонија (ФФМ) ја дава кон ДСУ „Св. Наум Охридски“, Скопје, денеска на тренинг центарот „Петар Милошевски“ се одржа инклузивен фудбалски турнир „Скопје 2025“.

Турнирот беше наменет за деца со посебни потреби, промовирајќи ја еднаквоста, инклузијата и љубовта кон фудбалот.

ФФМ финансиски и логистички го поддржа настанот, потврдувајќи ја својата посветеност кон создавање услови за сите деца да имаат пристап до спортот и неговите вредности.

На турнирот учествуваа ученици од ООУ „Ванчо Прке“ – Штип, ООУ „Марко Цепенков“ – Скопје, ООУ“ Димитар Македонски“ – Скопје, ООУ „Димитар Миладинов“ – Скопје, ДСУ „Искра“ – Штип, ДСУ „Св. Наум Охридски“ – Скопје, ОУРЦ „Климент Охридски“ – Ново Село, Струмица, ОУРЦ „Маца Овчарова“ – Велес. ег

ФОТО: ФФМ