Струмица, 5 септември 2025 (МИА) - Mанифестацијата „100 илјади поети за промена“, во соработка со здружението „Контекст – Струмица“ го распиша поетскиот конкурс за за јубилејното 15. издание на Фестивалот. Поезијата со која ќе може да конкурираат автори од сите генерации треба да биде социјално ангажирана и да разработува теми кои се поврзани со промените глобално, но и локално.

Според објавениот конкурс, секој автор може да учествува со по една песна. Песните треба да се испраќаат на Facebook профилот на оваа манифестација или на poetizapromena@gmail.com најдоцна до 20 септември 2025 година, по што ќе бидат разгледани од комисијата којашто ја одредува организацискиот одбор на манифестацијата и здружението и потоа селектираните автори ќе бидат застапени во зборникот „100 Илјади поети за промена“ – Македонија, кој ќе биде издаден како дел од оваа манифестација.

-Сите останати пристигнати песни ќе бидат објавени на официјалниот сајт на „100 илјади поети за промена“, затоа што сме овде да се читаме и online, нели? Ваков конкурс се организира веќе петнаесет години по ред – исто онолку пати колку и што се организира оваа манифестација во светот, се наведува во информацијата од организаторите.

Манифестацијата 100 илјади поети за промена е поддржана од Општина Струмица и Фондацијата „Заев – едно општетво за сите“.рт/са/

Фото: организатори