• среда, 12 март 2025

Нетанјаху: Израел го штити светот од Хутите

Нетанјаху: Израел го штити светот од Хутите

Ерусалим, 19 декември 2024 (МИА) - Израелскиот премиер Бенјамин Нетанјаху денеска по интензивните израелски воздушни напади утрината врз главниот град и клучното пристаниште на Јемен, под контрола на бунтовниците, изјави дека Израел го штити светот од Хутите.

„Тие не не напаѓаат само нас. Тие го напаѓаат целиот свет. Тие ги напаѓаат меѓународните бродски и трговски патишта. Кога Израел дејствува против Хутите, тој дејствува за целата меѓународна заедница“,  рече Нетанјаху во видео порака, тврдејќи дека САД и многу други добро го разбираат тоа.

Нетанјаху рече дека „Хутите учат и ќе научат на потешкиот начин дека секој што го напаѓа Израел плаќа висока цена“, објавија израелските медиуми.

Израелски воени авиони нападнаа цели на Хутите во Јемен, при што загинаа најмалку девет лица во пристанишниот град Ходеида. рп/

Фото: МИА архива

Остани поврзан