Невреме во Нови Сад, во некои делови од градот нема струја и вода
Нови Сад, 19 јули 2023 (МИА) - Невремето што попладнево ги зафати Хрватска и Словенија стигна и до Нови Сад, каде што врне силен дожд и дува ветер, кој урива дрвја и огради, а се креваат и големи облаци од прашина.
Во некои делови од градот нема вода и струја.
Граѓаните пријавуваат материјална штета.
На повеќе места има одлетани ќерамиди и делови од покриви.
На Футошкиот пат има паднати дрвја на коловозот и граѓаните известуваат дека е невозможно минување. паг/
Фото: МИА архива
