Манчестер, 18 февруари 2025 (МИА) - Менаџерот на Манчестер Јунајтед, Рубен Аморим, наводно се соочува со ограничен летен трансфер буџет, и покрај сериозните ремонти потребни во неговиот тим.

Според англиските медиуми, на Аморим му било кажано од клупскиот врв дека летово ќе имаат на располагање само 20 милиони фунти за купување играчи.

Проблемот на Јунајтед со правилата за профит и одржливост е наводно причина за толку скромен буџет.

Сите дополнителни пари ќе треба да се обезбедат преку продажба на играчи, во која би можеле да бидат вклучени талентирани млади фудбалери како Коби Мајну и Алехандро Гарнчо.

-Ја знаеме состојбата на клубот. Морам да ги разберам сите овие проблеми, но овој проблем не е нов, изјави Аморим во петокот. дс

Фото: Архива