Скопје, 31 декември 2024 (МИА) - Времето вечер на новогодишната ноќ ќе биде стабилно, суво и претежно тивко. Такво време, според УХМР не очекува и во првите денови од новата година, до петок.

Утринските температури ќе бидат пониски, а по котлините ќе има услови за појава на магла.

Од ноќта кон сабота од запад ќе започнат врнежи кои на планините ќе бидат од снег, а во останатите предели од врнежи од дожд кои ќе преминуваат во врнежи од повремен снег.

Од сабота наутро и потоа преку денот, особено долж Повардарието ќе дува засилен претежно северен ветер.

Денеска ќе биде сончево со мала локална облачност. Ќе дува слаб ветер од северозападен правец. Максималната температура ќе биде во интервал од 7 до 14 степени.

Времето во Скопје ќе биде сончево и тивко со мала облачност. сст/са/

фото МИА архива