Вашингтон, 22 октомври 2025 (МИА) - Американската војска синоќа започнала смртоносен напад врз брод во источниот Пацифик, при што загинаа две лица на бродот, потврди американскиот министер за одбрана Пит Хегсет.

Нападот врз бродот во Пацификот е осмиот американски напад врз брод за шверц на дрога од почетокот на септември и се чини дека го означува проширувањето на американската воена кампања, со оглед на тоа што сите напади беа насочени кон бродови во Карипското Море.

„Нарко-терористите кои се обидуваат да донесат отров на нашите брегови нема да најдат безбедно засолниште никаде во светот“, рече Хегсет денеска на мрежата X.

Американскиот министер рече дека бродот што е нападнат во Пацификот бил „управуван од организација која е официјално прогласена за терористичка“ и дека транспортирал наркотици по позната шверцерска рута. 

Хегсет додаде дека во нападот нема повредени американски војници, а шверцерите биле споредени со терористичката мрежа Ал Каеда.

Yesterday, at the direction of President Trump, the Department of War conducted a lethal kinetic strike on a vessel being operated by a Designated Terrorist Organization and conducting narco-trafficking in the Eastern Pacific.

The vessel was known by our intelligence to be… pic.twitter.com/BayDhUZ4Ac

— Secretary of War Pete Hegseth (@SecWar) October 22, 2025

„Исто како што Ал Каеда водеше војна против нашата татковина, така и овие картели војуваат против нашите граници и нашата нација. Нема да има ниту засолништа, ниту простување - само правда“, напиша тој.

Најновиот напад се случува во контекст на американското воено засилување на Карибите, кое вклучува разурнувачи со наведувани ракети, борбени авиони Ф-35, нуклеарна подморница и околу 6.500 војници.

Правните експерти го поставуваат прашањето зошто нападот го извршува американската армија наместо крајбрежната стража, која е главната американска агенција за спроведување на поморското право, зошто не ги искористат напорите за дрога за да ги сопрат пратките пред да ги употребат смртоносните напади.сд/

фото:Х