Белград, 5 јануари 2025 (МИА) - Минатата година Србија ја доживеа најтоплата година во историјата на метеоролошките мерења, соопшти српската метеоролошка служба.

Според податоците, просечната годишна температура во Србија во 2024 година изнесувала 13,3 степени Целзиусови, што е за 2,3 степени повисоко од просекот за периодот 1991-2020 година и речиси за еден степен повисоко од претходно најтоплата година – 2023 година.

„Рекордни температури беа забележани низ целата земја, како за просечната, така и за максималната и минималната годишна температура“, наведуваат метеоролозите.

Во извештајот се истакнуваат и рекордните четири топлотни бранови во текот на летните месеци и зголемен број тропски ноќи.

- Амплитудата на температурата во 2024 година беше типична за крајбрежните области на Шпанија, Италија или Грција во периодот 1961-1990 година, што значи дека 2024 г. тоа беше медитеранска година за Србија, изјави универзитетскиот предавач Ирина Лазиќ за специјализираната веб-страница Клима 101. ссм/

фото: архива