Рим, 25 февруари 2021 (МИА) - Пилотот на Хас, Мик Шумахер, не крие дека сонува да се приклучи на Ферари, како неговиот татко Михаел. - Пресреќен сум што сум во Хас. Ќе дебитирам во Формула 1 и сакам да го сторам тоа на најдобар начин. Тогаш ќе видиме каква иднина ме чека. Нема да одречам дека сонувам еден ден да возам за Ферари, како татко ми во минатото, изјави Мик во интервју за „Ла Стампа“. Шумахер рече дека сериозно ја гледа својата иднина во Ф1 уште од пред неколку години. - Јас секогаш размислував за тоа и почнав да верувам по мојот успех во Формула 3. Отпрвин имаше проблеми во Формула 2, но минатата година победив. И еве ме. Мик исто така соопшти дека е во контакт со поранешниот тркач на Скудерија, Себастијан Фетел, чиј идол е Михаел Шумахер. - Со Фетел редовно комуницираме. Тој има многу искуство, тој ми дава совети. Себ се грижи за мене, информира Мик Шумахер. зс/