Лас Вегас, 5 март 2020 (МИА) - Непоразениот американски боксер Флојд Мејведер, изјави дека е подготвен да излезе против Хабиб Нурмагомедов или Конор Мекгрегор, но само доколку му се понуди надомест од 600 милиони долари. Претходно, Нурмагомедов, сегашниот шампион во лесна категорија во УФЦ, предложи борба против Мејведер според посебни правила - 11 рунди бокс и една рунда ММА. Во август 2017 година Мејведер го победи Мекгрегор во натпревар во боксот. - Има две имиња: Конор Мекгрегор и Хабиб Нурмагомедов. Вреди 600 милиони долари. Ризикот треба да вреди. Не ја гледам поентата во борбата со обични борци. Јас сум деловен човек. Борбата со Конор има смисла затоа што донесе многу пари, рече Мејведер, цитиран од „Мирор“.