Берлин, 18 јули 2025 (МИА) – Германскиот канцелар Фридрих Мерц телефонски разговараше со премиерот Бенјамин Нетанјаху и изрази надеж за прекин на огнот во Газа, истовремено повикувајќи на безбеден пристап до хуманитарна помош, соопшти портпаролот на германската влада.

- Канцеларот нагласи дека итно потребната хуманитарна помош сега мора да стигне до луѓето во Појасот Газа на безбеден и хуман начин, се вели во соопштението на портпаролот.

- Канцеларот нагласи дека не смее да има чекори кон анексија на Западниот брег, јави Тајмс оф Израел повикувајќи се на соопштението. јт/

Фото: ДПА