Манчестер, 9 јуни 2025 (МИА) - Манчестер Јунајтед имаше мизерна сезона зад себе, во Премиер лигата и другите домашни натпреварувања, и поради таа причина, а исто така и од финансиски причини, одлучи сериозно да го промени тимот за следниот натпреварувачки циклус.

Официјален список испратен до надлежната ПРЛ служба е објавен во јавноста, на кој се наведени сите имиња на повеќе или помалку искусни, односно млади и (не) важни играчи на кои повеќе не се смета на „Олд Трафорд“.

Кристијан Ериксен, Џони Еванс, Хуберт Грачик, Џек Кингдон, Виктор Линделоф, Сем Мареј, Том Мајлс, Џејмс Нолан и Том Востер веќе заминаа, додека преговорите сè уште се во тек со голманот Том Хитон.

Рашфорд, Санчо, Ентони, Гарначо и Каземиро исто така би можеле да се упатат кон излезната врата, а ако сите овие идеи навистина се спроведат, тоа ќе значи само едно - дека тимот ја изгубил довербата на своите работодавци.

Финалистите од Лигата на Европа го завршија првенството на разочарувачкото 15-то место, со 18 порази во 38 кола. дс

Фото: Архива