Македонија Ѓорче Петров го освои фудбалскиот Куп на Македонија
Скопје, 20 мај 2022 (МИА) - Македонија Ѓорче Петров го освои годинешниот фудбалскиот Куп на Македонија.
На националната арена „Тодор Проески“,„лавовите“ беа подобри во изведувањето на удари од белата точка и го совладаа Силекс со резултат од 4-3. За Македонија Ѓорче Петров ова беше четврто финале и втора титула во националниот Куп. Силекс, од друга страна, ја пропушти можноста да го одбрани трофејот на своето петто финале. Годинешното финале е 29-то издание од Купот на Македонија.ар/цр
