Лoндон, 10 март 2025 (МИА) - Велика Британија денеска го повика Израел да го обнови снабдувањето со електрична енергија во палестинскиот Појас Газа, кое израелската Влада го прекина во неделата.

„Ние сме длабоко загрижени“, изјави за новинарите портпаролот на британскиот премиер Кир Стармер и укажа дека
„хуманитарната помош никогаш не треба да биде политичко средство“.

Израел пред една недела спречи испорака на хуманитарна помош во Газа со цел да изврши притисок врз движењето Хамас, кое владее со територијата и е во војна со него од октомври 2023 година.

Израелска делегација денеска замина за Доха на нови индиректни преговори со Хамас за продолжување на примирјето во Појасот Газа, изјави неименуван израелски функционер.

Првата фаза од примирјето истече и неформално е продолжена до крајот на март, бидејќи Израел и Хамас разменуваат обвинувања за прекршување на примирјето.

Израелската делегација треба да разговара со катарските посредници за начинот како да се одржи примирјето и постигнувањето договор за ослободување на 58 лица кои една и пол година се заложници на Хамас. рп/

Фото: МИА архива