Скопје, 17 јануари 2025
 
Иако согласно Законот за Собрание, петоците се определени како денови за средба на пратениците со граѓаните од нивните изборни единици и иако на последната координација беше договорено во петок да нема седници – денес, мнозинството предводено од ДПМНЕ закажа седница и тоа од денес за денес, со известување (порака) три часа пред седницата!
 
Ваквото хаотично работење на власта е единствено заради неспособноста на нивните министри, кои шест месеци доцнат со консолидација на законите - па 1.000 вработени во институциите не можат да ја земат декемвриската плата!
 
Пратениците од Левица веќе имаа закажано повеќе средби со граѓани и поради тоа мораа да изберат дали истите ќе ги одложат или, пак, нема да присуствуваат на непринципиелно и ненавремено закажаната седница.
 
Оваа пракса на ДПМНЕ е со единствена цел - да ги зголемат и ,,оправдаат” енормните суми за патни трошоци!
 
Бидејќи за оваа денешна седница навремено беше известено само владејачкото мнозинство, а не опозицијата – пратеникот од редовите на Левица, Сашко Јанчев, побара да се почитува Деловникот. 
 
- Претседателот на Собранието, согласно Деловникот, одржува координација со сите координатори на пратеничките групи, а не само со оние од владејачкото мнозинство! Како вие знаете дека денес ќе има седница, а опозицијата не знае - праша Јанчев од Левица.
 
Пратениците од ДПМНЕ, видно револтирани од најавата на Левица за законските измени за ограничување на патните трошоци преку кои тие земаат и по дополнителни 14.000 евра годишно - почнаа бесот да го вадат со пцости и навреди во собраниската сала, по што пратеникот од Левица побара пауза.

ПП Левица 

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.